اسلام آباد میں 5افرادکوزخمی کرنےوالا تیندوار پالتو نکلا

اسلام آباد( اسٹاف رپورٹر ) شہر اقتدار میں پانچ افراد کو زخمی کرنے والا تیندوا پالتو نکلا، نامعلوم ملزم کے خلاف پولیس کی مدعیت میں مقدمہ درج کر لیا گیا

تفصیلات کےمطابق تھانہ سہالہ کے علاقے ڈی ایچ اے فیز ٹو میں جمعرات کو ایک تیندوا گھس آیا تھا تیندوے کے حملے  سےمحکمہ وائلڈ لائف حکام سمیت پانچ افراد زخمی ہو گئے تھے

تھانہ سہالہ میں مقدمہ درج کراتے ہوئے اے ایس  تنویر نے بتایا کہ تیندوا گل دارنسل  سے تعلق رکھتا ہے جو انسانوں کیلئے خطرناک ہے اور یہ جانور انسانوں پرحملہ آور ہو کر جان بھی لے سکتا ہے، کسی نامعلوم شخص نے تیندوے کو گھر میں پال کر غفلت اور لاپروائی کا مظاہرہ کیا اور لوگوں کی زندگی کو خطرے میں ڈالا

واضح رہے کہ اسلام آباد وائلڈ لائف، پنجاب وائلڈ لائف سمیت ریسکیو کے اہلکاروں نے جمعرات کو مشترکہ آپریشن کے دوران تیندوے کو 8 گھنٹے کی جدوجہد کے بعد قابوکیا گیا تھا، تاہم اس دوران چیتے کے حملے سے پانچ افرا شدید زخمی ہوئے تھے اور رہائشی شدید خوف وہراس میں مبتلا رہے