پی ایس ایل:ملتان سلطانزکےہاتھوں پشاورزلمی کو56رنزسے شکست

پی ایس ایل:ملتان سلطانزکےہاتھوں  پشاورزلمی کو56رنزسے شکست

 

پشاور زلمی کی ٹیم 211 رنز ہدف کے تعاقب میں 154 رنز پر ڈھیر ہوگئی

 

ملتان (امت نیوز) پاکستان سپر لیگ کے پانچویں میچ میں ملتان سلطانز نےپشاور زلمی کو 56 رنز سے ہرادیا

پشاور زلمی کی ٹیم 211 رنز ہدف کے تعاقب میں 154 رنز پر ڈھیر ہوگئی ، پشاور زلمی کے صائم ایوب نےسب سے زیادہ 53 رنز بنائے ۔ کپتان بابر اعظم صرف 9 رنز بنا کر میدان چھوڑ گئے ۔

ملتان سلطانز کی طرف سے عثمان میر اور احسان اللہ نے 3-3 وکٹیں حاصل کیں ۔2وکٹیں عباسی آفریدی کےحصے میں آئیں ۔ کارلوس بریتھ ویٹ نے ایک وکٹ لی

اس سے قبل ملتان کرکٹ اسٹیڈیم میں کھیلے جانے والے میچ میں پشاور زلمی نے ملتان سلطانز کو ٹاس جیت کر پہلے بیٹنگ کی دعوت دے دی۔

ملتان سلطانز کی 54 رنز پر پہلی وکٹ گری جب شان مسعود 25 گیندوں پر 20 رنز بنا کر سلمان ارشاد کا شکار ہوئے۔ کپتان محمد رضوان کی وکٹ 116رنز کے مجموعی اسکور پر گری ۔محمد رضوان نے جارحانہ اننگز کھیلی اور 42گیندوں پر 66رنز اسکور کئے ۔ انہیں صفیان مقیم نےآؤٹ کیا ۔ رائلی روسو سب سے کامیاب بیٹسمین رہے انہوں نے صرف 36گیندوں پر 75رنزکی دھواں دھار اننگز کھیلی

خیال رہے کہ ملتان سلطانز دو میچز کھیل چکی ہے جن میں سے اسے ایک میں فتح اور ایک میں شکست ہوئی ہے جبکہ پشاور زلمی نے ایک میچ کھیلا ہے اور اس میں کامیابی حاصل کی ہے