کراچی پولیس آفس پر حملہ کی سی سی ٹی وی سامنے آگئی

کراچی (امت نیوز)کراچی پولیس چیف آفس پر دہشت گردوں کے حملے کی سی سی ٹی وی فوٹیج منظر عام پر آگئی ۔ جس میں مسلح دہشت گردوں کو راہداری میں گھومتے ہوئے دیکھا جاسکتا ہے۔
کراچی پولیس چیف آفس (کے پی او) پر جمعہ کی رات تین دہشت گردوں نے حملہ کیا جس کی سی سی ٹی وی فوٹیج منظر عام پر آگئی ہے ۔

ویڈیو میں دہشت گردوں کو کراچی پولیس آفس کی راہداری میں دیکھا جاسکتا ہے، مسلح دہشت گردوں نے کے پی او کی پہلی منزل پر پوزیشن لی، دہشتگردوں کے پاس بڑے ہتھیار بھی واضح دیکھے جاسکتے ہیں۔
ویڈیو کے مطابق دہشت گردوں نے بیگز پہن رکھے ہیں، پہلے ایک دہشت گرد آگے آیا پھر دیگر کو ہاتھ کے اشارے سے آگے بلایا۔
واضح رہے کہ گزشتہ روز ہونےوالے حملے میں رینجرز، پولیس اہلکاروں سمیت 4 افراد جاں بحق اور 15 سے زائد زخمی ہوئے جبکہ فورسز کے آپریشن میں تینوں دہشت گرد مارے گئے تھے