ریسکیو1122پنجاب ترکیہ میں 15زندہ افرادنکالنے میں کامیاب

لاہور(امت نیوز) ریسکیو 1122 پنجاب نے ترکیہ میں اب تک 15 افرادکو ملبے سے زندہ نکالا ہے

ترکیہ میں ریسکیو اینڈ سرچ آپریشن جاری ہے، ترجمان ریسکیو 1122 کے مطابق ٹیم نے آج اتوار کو حطائے کےعلاقے  میں منہدم عمارتوں سے 3 لاشیں نکالیں، ریسکیو 1122 کی ٹیم آدیامان اور حطائے میں 146 مختلف مقامات کو سرچ کر چکی ہے

ترجمان کا کہنا ہے کہ پاکستان ریسکیو 1122 ٹیم اب تک 15 زندہ لوگوں کو ریسکیو کر چکی ہے، 184 لاشوں کی نشاندہی کی جبکہ 63 لاشوں کو ملبے سے نکالا۔

ترجمان ریسکیو پنجاب نے کہا کہ پاکستان سرچ اینڈ ریسکیو ٹیم یونائیٹڈ نیشن انسراگ سے سرٹیفائیڈ ہے، مشکل کی اس گھڑی میں پاکستان اپنے ترک بھائیوں کے ساتھ ہے