افغانستان نے یو اے ای کیخلاف ٹی 20 سیریز جیت لی

ابو ظہبی ( اُمت نیوز ) افغانستان نے یو اے ای کے خلاف تین ٹی 20 انٹرنیشنل میچز پر مشتمل سیریز 1-2 سے اپنے نام کر لی
افغانستان نےسیریز کے آخری میچ میں ٹاس جیت کر پہلے فیلڈنگ کا فیصلہ کیا
امارات نے پہلے کھیلتے ہوئے مقررہ اوورز میں 163 رنز بنائے اور اس کے 6 کھلاڑی آئوٹ ہوئے تھے۔، محمد وسیم 75 اور وریتیا اروند 59 رنز کی اننگ کھیل کر ٹیم میں نمایاں رہے
افغانستان کی جانب سے راشد خان اور گلبدین نائب نے دو ، دو کھلاڑیوں کو پویلین کی راہ دکھائی۔
جواب میں افغان کرکٹ ٹیم نے 164 کا رنز کا ہدف 19.1 اوورز میں 4 وکٹوں کے نقصان پر 166 رنز بنا کر حاصل کر لیا، ابراہیم زدران 60 اور کریم جنت 56 رنز بنا کر ٹیم میں نمایاں رہے ،
کریم جنت بہترین کارکردگی کی بدولت پلیئر آف دی میچ قرار پائے۔