راولپنڈی میں پی ایس ایل میچز کیلئے سیکیورٹی انتظامات مکمل

راولپنڈی (اسٹاف رپورٹر) راولپنڈی پولیس نے پی ایس ایل میچز کی سیکورٹی کے انتظامات کو حتمی شکل دے دی ۔بسنت کی حوصلہ شکنی کے لیے بھرپور آگاہی و انسدادی مہم چلانے کا فیصلہ بھی کیا گیا ہے ۔جرائم کی بیخ کنی کے لئے ایس ایچ اوز کو ٹاسک دیدیا گیا
۔ اس امر کا اظہار ایس پی راول ڈویژن فیصل سلیم نے خصوصی گفتگو کرتے ہوئے کیا ۔
ایس پی فیصل سلیم نے کہا کہ پی ایس ایل کے میچیز کے دوران فوڈ اسٹریٹ بند رہے گی ۔ ٹیموں کی آمدورفت کے موقع پر میٹرو سروس کو بند رکھا جائے گا ۔ جبکہ باقی وقت سروس جاری رہے گی ۔ انہوں نے بتایا کہ بسنت کی حوصلہ شکنی کے لیے آگاہی اور انسدادی مہم چلائی جائے گی ۔ جس چھت سے پتنگ بازی ہو گی اس کے گھر کے سربراہ کیخلاف بھی کارروائی ہوگی ۔
انہوں نے کہا کہا سٹریٹ کرائم کی بیخ کنی کے لئے ایس ایچ اوز کو ٹاسک دیدیا گیا ہے ۔ شہریوں کی جان و مال کا تحفظ ہماری ذمہ داری ہے ۔