کراچی: فینسی نمبرپلیٹ گاڑیوں کیخلاف کارروائی کی آڑمیں پولیس کی چاندی

کراچی(اسٹاف رپورٹر)فینسی نمبرپلیٹ غیررجسٹرڈگاڑیوں کےخلاف کارروائی کی آڑمیں پولیس نےجیبیں گرم کرناشروع کردیں،ایس ایچ اوگلبرگ اشرف جوگی نے عائشہ منزل پل کےقریب ناکہ لگاکرشہریوں سےُ فینسی نمبر پلیٹ اور غیر رجسٹرڈ گاڑیوں کو روک کر مبینہ طور پر رشوت وصولی کا دھندا شروع کررکھا ہے روزانہ کی بنیاد پر گلبرگ تھانے کی تین پیکٹوں پر یہ ہی سلسلہ جاری رہتا ہے جس کی وجہ سے علاقہ مکین اور وہاں گزرُے والے افراد کو شدید پریشانی کا سامنا ہے۔

دوسری جانب موٹر سائیکل سوار پولیس اہلکار موٹرسائیکل سواروں کو روک کر مبینہ رشوت وصول کررہے ہیں جبکہ نہ دینے والے شہریوں سے بدسلوکی جاری رکھی ہوئی ہے،متعددشہریوں کی جانب سےشکائیت موصول ہوئیں کہ ایس ایچ اوگلبرگ کی ایما پر اہلکاروں نے شہریوں سے مذکورہ رویہ اختیار کیا ہوا ہے۔