گوجرانوالا،ڈاکوئوں نے لوٹ مار کے بعد خاتون کو زیادتی کا نشانہ بنا ڈالا

گوجرانوالا (اُمت نیوز)ڈاکوئوں نے لوٹ مار کرنے کے بعد خاتون کو زیادتی کا نشانہ بنا ڈالا ہے۔
تفصیلات کے مطابق یہ واقعہ گوجرانوالہ کے علاقے مرالیوالہ میں پیش آیا ہے جہاں ڈاکوئوں نے لوٹ مار کے بعد خاتون کو زیادتی کانشانہ بنا دیا ہے۔
خاتون کے شوہر کے مطابق ڈاکوؤں نے یرغمال بناکر لوٹ مار کی اور ہتھیاروں کے زور پر بیوی کو ساتھ لے گئے۔
انہوں نے مزید کہا کہ بیوی سے زیادتی کے بعد ملزمان نے اسے کھیتوں میں چھوڑ دیا، پولیس نے شوہر کی مدعیت میں مقدمہ درج کرلیا۔
پولیس کے مطابق  خاتون کا میڈیکل کرایا گیا ہے جس میں زیادتی کی تصدیق ہوگئی ہے، واقعے میں ملوث ملزمان کی گرفتاری کے لیے کارروائی جاری ہے۔