کیچ : سیکیورٹی فورسز پر حملہ ،فائرنگ کے تبادلے میں 8دہشت گرد ہلاک

کوئٹہ(امت نیوز)بلوچستان کے علاقے کیچ میں دہشت گردوں نے سیکورٹی فورسز کے قافلے پر حملہ کردیا فائرنگ کےتبادلے میں 8دہشت گرد مارے گئے

آئی ایس پی آر کے مطابق سیکیورٹی فورسز کے قافلےپر حملہ 22 فروری کی شام کیا گیا۔ سیکورٹی فورسز نے بغیر کسی جانی نقصان کے دہشت گردوں کا حملہ ناکام بنادیا

آئی ایس پی آر کے مطابق فائرنگ کے تبادلے میں 8دہشت گرد انجام کو پہنچے ،دہشت گردوں کے قبضے سے اسلحہ اور گولہ بارود بھی برآمد ہوا۔