سندھ بھر میں اسلحہ رکھنے و نمائش پر پابندی

کراچی: حکومتِ سندھ نے کراچی سمیت صوبے بھر میں اسلحہ رکھنے اوراس کی نمائش پر پابندی لگا دی۔

سندھ حکومت کی جانب سے اس ضمن میں نوٹیفکیشن جاری کر دیا گیا ہے۔جاری کیے گئے نوٹیفکیشن کے مطابق سندھ میں اسلحہ لے کر چلنے پر 3 ماہ کے لیے پابندی عائد کی گئی ہے۔

حکومتِ سندھ کے نوٹیفکیشن میں کہا گیا ہے کہ سندھ میں اسلحہ لے کر چلنے پر پابندی کا اطلاق فوری طور پر ہو گا۔

نوٹیفکیشن میں مزید کہا گیا ہے کہ تمام ایس ایچ اوز خلاف ورزی کرنے والوں کے خلاف مقدمات درج کریں۔

سندھ حکومت کے نوٹیفکیشن میں یہ بھی کہا گیا ہے کہ پولیس، رینجرز اور قانون نافذ کرنے والے ادارے حکم نامے سے مستثنیٰ ہوں گے۔