اسلام آباد یونائیٹڈ نےکوئٹہ گلیڈی ایٹرز کو63 رنز سے شکست دیدی

کراچی(اُُمت نیوز)پاکستان سپر لیگ 8 کے13ویں میچ میں اسلام آباد یونائیٹڈ نے کوئٹہ گلیڈی ایٹرز کو 63رنزسے ہرادیا ۔ اسلام آباد یونائیٹڈ کی طرف سے دیئے گئے 221 رنز کے ہدف کے جواب میں کوئٹہ گلیڈی ایٹر کی پوری ٹیم 157 رنز پر ڈھیر ہوگئی ۔

کوئٹہ گلیڈی ایٹر کی جانب سےسب سے زیادہ48 رنز محمد حفیظ نے بنائے ۔افتخار احمد39، جیسن رائے 5،مارٹن گپٹل صفر،ول سمتھ17،سرفراز احمد 41، محمد نواز 1 ،اوڈن سمتھ اور نسیم شاہ صفررنز، محمد حسنین1 رنز بنا کرآئوٹ ہوئے۔ ایمل خان بغیر کوئی رن بنائے ناٹ آئوٹ رہے۔
اسلام آباد یونائٹیڈ کی طرف سےابرار احمد اور شاداب خان نے 2،2 جبکہ حسن علی اورفضل حق فاروقی نے 3،3 کھلاڑیوں کو آئوٹ کیا ۔
اس سے قبل اسلام آباد یونائیٹڈ نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں6 وکٹوں کے نقصان پر 220 رنز بنا ئے۔
اسلام آباد یونائیٹڈ کی جانب سے کولن منرو اور رحمان اللہ گرباز نے اننگز کا آغاز شروع کیا تو13 کے مجموعی سکور پر رحمان اللہ گرباز آئوٹ انہوں نے 8 رنز اسکور کیے۔ اسلام آباد یونائیٹڈ کی دوسری وکٹ اٹھائیس کے سکور پر گری جب ریسو وین ڈر ڈسن آئوٹ ہوئے۔ تیسرے آئوٹ ہونے والے کھلاڑی شادب خان ہیں جو12 رنز بنا کر سمتھ کی گیند پر بولڈ ہوئے ۔ چوتھی وکٹ 71 رنز پر گری جب کولن منرو، ایمل خان کی گیند پر بولڈ ہوئے جبکہ پانچویں وکٹ 169 کے سکور پر گری جب آصف علی 42 رنز بنا کر نسیم شاہ کی بال پر گپٹل کے ہاتھوں کیچ آئوٹ ہوئے۔ شاندار اننگز کھیلنے والے اعظم خان 97 رنز بنا کر آئوٹ ہوئے ۔

اسلام آباد یونائیٹڈ میں شاداب بطور کپتان ، کولن منرو، رحمان اللہ گرباز، ریسو وین ڈر ڈسن، اعظم خان وکٹ کیپر بلے باز، آصف علی مڈل آرڈر ہارڈ ہٹر بلے باز ، آل راونڈر فہیم اشرف، مبشر خان ، حسن علی ، فضل حق فاروقی،مسٹری سپنر ابرار احمد شامل ہیں ۔

کوئٹہ گلیڈی ایٹر کی ٹیم میں جیسن رائے ، ول سمتھ، مارٹن گپٹل ، سرفراز احمد، افتخار احمد ، اوڈن سمتھ، محمد حفظ ، محمد نواز ، ایمل خان ، نسیم شاہ اور محمد حسنین شامل ہیں ۔