تھائی لینڈ، سرجریاں کروانے والا منشیات فروش پکڑا گیا

تھائی لینڈ(اُمت نیوز) تھائی لینڈ میں سرجریاں کروانے والا منشیات فروش پکڑا گیا ہے۔
تفصیلات کےمطابق گزشتہ ہفتے بینکاک میں جس ’سوینگ جِمن‘ نامی شخص کو گرفتار کیا گیا تھا وہ اصل میں سہارت سوانگیئنگ ہے
پولیس اس 25 سالہ شخص کو گزشتہ تین ماہ سے پکڑنے کی کوشش کر رہی تھی لیکن وہ ایسا کرنے میں ناکام رہی ۔ا س نے پلاسٹک سرجری سے اپنا چہرہ مکمل تبدیل کر لیا تھا۔
جب سہارت کو ایک فلیٹ سے گرفتار کیا گیا تو وہاں موجود لوگوں نے ذرائع ابلاغ کو بتایا کہ وہ ’کوریائی نسل سے تعلق رکھنے والا ایک خوبصورت مرد‘ دکھائی دے رہا تھا۔
پولیس کی جانب سے جاری کی جانے والی ویڈیو میں سہارت کا کہنا تھا کہ وہ تھائی لینڈ چھوڑ کر جنوبی کوریا منتقل ہونا چاہتا تھا۔ میں ایک نئی زندگی شروع کرنا چاہتا ہوں، میں تھائی لینڈ سے اکتا گیا ہوں۔
سہارت کو منشیات کی غیر قانونی سمگلنگ کے الزام میں گرفتار کیا گیا
پولیس کے مطابق اس نے تسلیم کیا ہے کہ اس نے انٹرنیٹ پر ’ایم ڈی ایم اے‘ (یا ایکسٹیسی) کا آرڈر دیا تھا جس کی ادائیگی اس نے کرپٹو کرنسی کے ذریعے کی تھی۔