یونان، دو ٹرینوں میں تصادم ، 26 افراد ہلاک

یونان(اُمت نیوز )یونان میں مسافر اور مال بردار ٹرینمیں تصادم کے نتیجے میں کم از کم 26 افراد ہلاک اور 85 زخمی ہوگئے ہیں۔
تفصیلات کے مطابق حادثہ دارالحکومت ایتھنز اور تھیسالونیکی پیش آیا۔ مسافر ٹرین ایتھنز سے تقریباً 235 میل شمال میں ٹیمپی کے قریب ایک مال بردار ٹرین سے ٹکرا ئی۔
پولیس نے بتایا کہ کئی بوگیاں حادثے کی وجہ پٹری سے اتر گئیں جن میں سے3 میں آگ لگ گئی ہے۔۔
فائر بریگیڈ کے ترجمان کا کہنا ہے کہ حادثے میں 26 افراد ہلاک اور کم از کم 85 زخمی ہوئے ہیں، اسپتال حکام کے مطابق زخمیوں میں سے 25 کی حالت تشویشناک ہے۔
حکام کا کہنا ہے کہ زخمی مسافروں کو اسپتال لے جانے کے لیے قریبی شہروں سے ایمبولینسیں طلب کی گئی ہیں جبکہ ریسکیو کا کام اب بھی جاری ہے۔