پی ایس ایل:پشاور زلمی نے کراچی کنگز کو 198 رنز کا ہدف دے دیا

راولپنڈی (اسپورٹس ڈیسک)پاکستان سپر لیگ کے 17 ویں میچ میں پشاور زلمی نے کراچی کنگز کو جیت کے لیے 198 رنز کا ہدف دے دیا

راولپنڈی میں کھیلے جانے والے میچ میں کراچی کنگز نے ٹاس جیت کر پشاور زلمی کو پہلے بیٹنگ کی دعوت دے دی۔

پشاور زلمی نے پہلے کھیلتے ہوئے 5 وکٹوں پر 197 رنز بنائے

پشاور زلمی کا آغاز اچھانہ تھا اورصرف 2 کے مجموعی اسکور پر اس کی 3وکٹیں گرگئیں۔ دونوں اوپنر کپتان بابر اعظم اور محمد حارث صفر پر آؤٹ ہوئے ۔ صائم ایوب بھی ایک رن بنا کر چلتے بنے ۔تینوں وکٹیں محمد عامر نے حاصل کی

تاہم اس کے بعد حسیب اللہ اور ٹام کوہلر نے دھواں دھار بیٹنگ کی ۔ حسیب اللہ صرف 29 گیندوں پر 50رنز بناکر آؤٹ ہوئے۔ٹام کوہلر 56رنز پر ناٹ آؤٹ رہے

رومین پاول نے بھی 34گیندوں پر 64رنز کی طوفانی اننگز کھیلی

محمد عامر نے 4وکٹیں حاصل کی، ایک وکٹ تبریز شمسی کے حصے میں آئی