اسلام آباد یونائیٹڈ کو جیت کیلئے 202 رنز کا ہدف

راولپنڈی (اُمت نیوز) پاکستان سپر لیگ 8 میں کراچی کنگز نے اسلام آباد یونائیٹڈ کو 202 رنز کا ہدف دے دیا ہے۔
تفصیلات کے مطابق راولپنڈی اسٹیڈیم میں کھیلے جانے والے لیگ کے 19 ویں میچ میں کراچی کنگز نے ٹاس جیت کر پہلے بیٹنگ کافیصلہ کیا ۔ عماد وسیم کی شاندار بیٹنگ کی بدولت کراچی کنگز نے 5 وکٹوں پر 201 رنز بنائے ۔
کراچی کنگز کی پہلی وکٹ 12 کے رنز پر گری جب شرجیل خان آئوٹ ہوئے ۔ ان کو رومان رئیس نے بولڈ کیا۔ دوسرے آئوٹ ہونے والے بیٹسمین طیب طاہر جو 49 کے اسکور پر حسن علی کو کیچ دے بیٹھے۔53 کے مجموعی اسکور پر کراچی کنگز کی تیسری وکٹ گری جب ایڈم روسنگٹن 20 رنز بنا کر آئو ٹ ہوئے ۔ چوتھے آئوٹ ہونے والے بیٹسمین شعیب ملک تھے جنہوں نے 12 رنز بنائے ۔ پانچویں آئوٹ ہونے والے کھلاڑی عرفان خان ہیں انہوں نے 30 رنز اسکور کیے۔ عماد وسیم 92 اور میتھو وڈ13 رنز اسکور کے ساتھ ناٹ آئوٹ رہے۔

کراچی کنگز ٹیم میںعماد وسیم کپتان، ایڈم روسنگٹن ،شرجیل خان،طیب طاہر،شعیب ملک،میتھیو ویڈ،عرفان خان،عامر یامین،اینڈریو ٹائی،محمد عامر،تبریز شمسی شامل ہیں۔
اسلام آباد یونائیٹڈ ٹیم میںشاداب خان کپتان، ایلکس ہیلز،کولن منرو،راسی وین ڈیر ڈوسن،اعظم خان ،آصف علی،فہیم اشرف،مبصر خان،ٹام کرن،حسن علی،رومان رئیس