لاہور اور سرگودھا سے8 دہشت گرد پکڑے گئے

لاہور(امت نیوز)سی ٹی ڈی پنجاب نے لاہور اور سرگودھا میں کارروائی کرتے ہوئے 8دہشت گردوں کو گرفتار کرلیا

ترجمان کے مطابق سی ٹی ڈی اور قانون نافذ کرنے والے اداروں نے لاہور سے پانچ اور سرگودھا سے تین دہشت گردوں کو گرفتار کرلیا جن کے قبضے سے بم، دھماکہ خیز مواد، ڈیٹونیٹر اور اسلحہ برآمد ہوا۔

ترجمان سی ٹی ڈی نے بتایا کہ گرفتار دہشت گردوں میں محمد لقمان شاہد، سید انس وقار، ثنا اللہ، سلیمان خان اور نجیب اللہ شامل ہیں۔ ملزمان کے پاس سے کالعدم تنظیم کی فنڈنگ کا سامان بھی برآمد ہوا ہے۔

ترجمان کے مطابق سی ٹی ڈی نے رواں ہفتے پولیس اور قانون نافذ کرنے والے اداروں کی مدد سے 382 کومبنگ آپریشن کیے جس میں 18020 افراد کو چیک کیا گیا جن میں 59 مشتبہ افراد گرفتار ہوئے۔