ٹانک میں دھماکا،موٹرسائیکل سوار شخص جاں بحق

ٹانک(امت نیوز)ٹانک میں دھماکے کے نتیجے میں موٹرسائیکل سوار ایک شخص جاں بحق ہوگیا۔ موٹرسائیکل بھی مکمل طور پر تباہ ہوگئی۔
ڈسٹرکٹ پولیس آفیسر وقار احمد خان کے مطابق دھماکا نواحی علاقے کڑی حیدر کے خوڑ میں ہوا۔
ڈی پی او کے مطابق ابتدائی تحقیقات میں سامنے آیا ہے کہ موٹرسائیکل سوار ٹانک سے آ رہا تھا اور اس کی موٹرسائیکل میں پہلے سے ہی بم نصب کیاگیا تھا جو کڑی حیدر کے خوڑ میں پھٹ گیا۔
پولیس کا کہنا ہے کہ دھماکے میں جاں بحق شخص کی شناخت حکمت اللہ کے نام سے ہوئی ہے جوکہ کڑی حیدر کا رہائشی ہے۔
پولیس کے مطابق دھماکا ریموٹ کنٹرول تھا یا کسی اور ذریعے سے کیا گیا، تفتیش جاری ہے۔