فوادچوہدری نے چیئرمین نیب کی تقرری متنازع قرار دیدی

لاہور(امت نیوز)پاکستان تحریک انصاف کے رہنما فواد چوہدری نے چیئرمین نیب لیفٹیننٹ جنرل (ر) نذیر احمد کی تقرری کا عمل متنازع قرار دیدیا
فواد چوہدری کا کہنا ہے کہ چیئرمین نیب کی تقرری کا عمل متنازع ہے، عدالت تحریک انصاف کے ارکان کے استعفوں کا نوٹیفکیشن معطل کر چکی ہے۔

چئرمین نیب کی تقرری کا عمل متنازعہ ہے، عدالت تحریک انصاف کے ممبران کے استعفی کا نوٹیفیکیشن معطل کر چکی ہے اور تحریک انصاف شاہ محمود قریشی کو قائد حزب اختلاف نامزد کر چکی ہے، اس پس منظر میں نئے چیئرمین نیب کی تقرری میں حکومت اور اپوزیشن کی مشاورت کا عمل قانونی اعتبار سے نہیں ہوا

— Ch Fawad Hussain (@fawadchaudhry) March 4, 2023

ان کا کہنا تھاکہ تحریک انصاف شاہ محمود قریشی کو قائد حزب اختلاف نامزد کر چکی ہے، چیئرمین نیب کی تقرری پرحکومت اور اپوزیشن کی مشاورت کا عمل قانونی اعتبار سے نہیں ہوا۔
لیفٹیننٹ جنرل (ر) نذیر احمد کو چیئرمین نیب تعینات کر دیا گیا ہے۔ ذرائع کے مطابق وزیراعظم اور قومی اسمبلی میں اپوزیشن لیڈر راجا ریاض کے درمیان اتفاق رائے کے بعد چیئرمین نیب کی تعیناتی کی گئی۔