پی ایس ایل:لاہورقلندرز کی ایک اورکامیابی،ملتان سلطانز کو 21رنزسے شکست

لاہور(اسپورٹس ڈیسک) پاکستان سپر لیگ کے اہم میچ میں لاہور قلندرز نے ملتان سلطانز کو 21 رنز سے شکست دے دی

ملتان سلطانز کی ٹیم ۔181رنز ہدف کے تعاقب میں 7 وکٹوں پر 159 رنز بنا سکی

ملتان کی طرف سے سب سے زیادہ 39رنز کیرون پولارڈ نے بنائے،

30رنز کپتان محمد رضوان نے اسکور کئے۔ ان کے علاوہ ملتان کا کوئی بھی کھلاڑی جم کر نہ کھیل سکا

لاہور کی طرف سے راشد خان نے 3 وکٹیں حاصل کیں ۔ زمان خان، حارث روف اور سکندر رضا نے ایک ایک کھلاڑی کو آؤٹ کیا

اس سے قبل  لاہور قلندرز نے ملتان سلطانز کو جیت کے لیے 181 رنز کا ہدف دے دیا

قذافی اسٹیڈیم لاہور میں لاہور قلندرز کے کپتان شاہین شاہ آفریدی نے ٹاس جیت کر پہلے بیٹنگ کا فیصلہ کیا ہے۔ اور مقررہ 20 اوورز میں 9 وکٹوں پر181 رنز اسکور کئے

لاہور کی طرف سے سب سے زیادہ رنز سیم بلنگ نے بنائے انہوں نے 35گیندوں پر 54 رنز کی اننگز کھیلی ۔عبداللہ شفیق نے 35 گیندوں پر 48رنز بنائے ۔مرزا بیگ نے 17،ڈیوڈ ویسے نے 15رنز اسکور کئے

ملتان کی طرف سے انور علی،احسان اللہ ،عباسی آفریدی اورکیرون پولارڈ نے 2۔2 وکٹیں حاصل کیں ، ایک وکٹ سمین گل کے حصے میں آئی