راولپنڈی:پی ایس ایل میچز پرآن لائن جوا کھیلنےوالے 8 ملزمان گرفتار

راولپنڈی (رپورٹ: رائے ولید بھٹی ) راولپنڈی پولیس نے پی ایس ایل میچز پر آن لائن جوا کھیلنے والے آٹھ ملزمان کو گرفتار کر لیا
تھانہ نیو ٹاون کے ایس ایچ او راجہ اعزاز عظیم نے ٹیم کے ہمراہ کارروائی کرتے ہوئے پی ایس ایل میچوں پر آن لائن جوا کھیلنے والے8 ملزمان کو گرفتار کر لیا
ملزمان کے قبضے سے 8ہزار روپے نقدی ،7 عدد موبائل فون اورجوا میں استعمال ہونے والی پلاسٹک رنگ برآمد ہوئی،

ایس ایچ او تھانہ نیوٹاؤن راجہ اعزاز عظیم نے بتایا کہ ملزمان بذریعہ فون ایپ آن لائن جوا اور بذریعہ رنگ بھی جوا کھیلتے تھے، گرفتار ملزمان میں محمد حنیف، محمد ارشد، محمد عمران،وقار محمود، محمدنثار،عمران علی،نصیراحمد اور محمد شوکت شامل ہیں،
پولیس نے مقدمہ درج کر کے مزید تفتیش شروع کر دی ہے