پی ایس ایل:کراچی کنگزبڑا اسکورکرنے میں ناکام،کوئٹہ کو165رنز کاہدف

راولپنڈی(اسپورٹس ڈیسک) کراچی کنگز نے کوئٹہ گلیڈی ایٹرز کو فتح کیلئے 165 رنز کا ہدف دے دیا ۔ کراچی کی ٹیم نے 6 وکٹوں پر 164 رنز بنائے
راولپنڈی کرکٹ اسٹیڈیم میں کھیلے جانے والے پاکستان سپر لیگ 8 کے 22 ویں میچ میں کوئٹہ گلیڈی ایٹز نے ٹاس جیت کر کراچی کنگز کو پہلے بیٹنگ کی دعوت دی
کراچی کی پہلی وکٹ صفر پر گرگئی جب میتھیو ویڈ بغیر کوئی رن بنائے پویلین لوٹ گئے ۔دوسرے اوپنر ایڈم روسنگٹن نے جارحانہ کھیل پیش کیا اور 45 گیندوں پر 69رنز کی اننگز کھیلی ۔ روسنگٹن کے علاوہ کراچی کنگز کا کوئی بھی کھلاڑی جم کر نہ کھیل سکا۔ کپتان عماد وسیم نے آخر میں کچھ مزاحمت کی اور 20 گیندوں پر 30رنز بنائے
کوئٹہ کی طرف سے نسیم شاہ اور ایمل خان نے 2۔2وکٹیں حاصل کیں ۔ محمد نواز اور نوین الحق نے ایک ایک کھلاڑی کو آؤٹ کیا
ایونٹ میں کراچی کنگز نے اب تک 8 میچز کھیلے جس میں اسے 2 میں کامیابی ملی جبکہ کوئٹہ گلیڈی ایٹرز کی ٹیم 7 میچز میں صرف ایک فتح سمیٹ سکی۔