24 ویں ٹیکسٹائل ایشیا نمائش 10 مارچ سے شروع ہوگی

کراچی(اسٹاف رپورٹر) 24 ویں ٹیکسٹائل ایشیا نمائش جمعہ 10 مارچ سے ایکسپو سینٹر کراچی میں شروع ہوگی

ای کامرس گیٹ وے پاکستان کے تحت 12 مارچ تک جاری رہنے والی اس  نمائش میں 400 سے زائد غیر ملکی مندوبین شرکت کریں گے۔

تین روزہ نمائش چھے ہالز پر مشتمل ہوگی جس میں ٹیکسٹائل صنعت سے منسلک معروف مقامی اور غیر ملکی کمپنیوں کے 778 اسٹالز پر 550 سے زائد مصنوعات کی نمائش کی جائے گی

24 ویں ٹیکسٹائل ایشیا نمائش میں چین، ترکیہ، ایران، جرمنی، بیلاروس، کوریا سمیت دیگر ممالک کے مندوبین شرکت کریں گے۔

ای کامرس گیٹ وے کے نائب صدر عزیر نظام کا کہنا ہے کہ ٹیکسٹائل ایشیا نمائش برآمدات میں اضافے کیلئے بہترین پلیٹ فارم ثابت ہوگی۔ انہوں  نے توقع ظاہر کی ہے کہ  ماضی کے مقابلے میں امسال ٹیکسٹائل اور اس کے زیریں سیکٹرز پر مشتمل منعقد ہونے والی نمائش میں شرکا کی تعداد میں اضافہ ہوگا۔