کپتان محمد نواز کوئٹہ کی تاریخی فتح پرخوشی سے نہال

کوئٹہ (اُمت نیوز)کوئٹہ گلیڈی ایٹرز کی طرف پاکستان سپر لیگ کے 8 کے پہلے میچ میں قیادت کرنے والے محمد نواز ٹیم کی تاریخ فتح پر خوش سے نہال ہوگئے ہیں۔
ایونٹ کی تاریخ کا ہائی اسکورننگ میچکوئٹہ گلیڈی ایٹرز اور پشاور زلمی کے درمیان ہوا، جس میں محمد نواز کی ٹیم نے بابر اعظم الیون کو 8 وکٹوں سے شکست دے دی ہے۔
تاریخی فتح پر محمد نواز کا کہنا تھا کہ ہر کپتان چاہتا ہے کہ میچ میں ایسی اننگز ہو، جیسی جیسن روئے نے کھیلی۔
انہوں نے کہا کہ جیسن روئے کی ناقابل شکست 145 رنز کی یہ اننگز انہیں اور ہمیں ہمیشہ یاد رہے گی۔
کوئٹہ گلیڈی ایٹرز کے کپتان نے مزید کہا کہ جیسن روئے کے ساتھ محمد حفیظ نے بھی اچھی بیٹنگ کی، کوشش کریں گے ٹورنامنٹ کو اچھی طرح سے فنش کریں۔