ثانیہ مرزا کی ریٹائرمنٹ پارٹی ،شعیب ملک کی عدم شرکت

نئی دہلی(امت نیوز)سابق ٹینس اسٹار ثانیہ مرزا کی ریٹائرمنٹ پارٹی میں شوہر شعیب ملک کی غیر حاضری نے سب کو حیران کردیا

ٹینس سے ریٹائر منٹ کا اعلان کرنے والی ثانیہ مرزا نے گزشتہ ماہ اپنے آخری گرینڈ سلم آسٹریلین اوپن میں شرکت کی تھی۔

میڈیا رپورٹس کے مطابق ثانیہ کیلئےبھارت میں ایک شاندار الوداعی پارٹی کا اہتمام کیا گیا

اس تقریب میں ثانیہ نے بیٹے اذہان مرزا ملک کے ہمراہ شرکت کی، تقریب میں شوبز اور اسپورٹس شخصیات کے علاوہ ثانیہ کے قریبی عزیز بھی شریک ہوئے اگر کوئی شریک نہ ہوا توثانیہ وہ شوہر شعیب ملک تھے جن کی غیر موجودگی پر سوشل میڈیا صارفین تبصرہ کیے بغیر نہ رہ سکے۔

ایک صارف نے ثانیہ کی الوداعی تصاویر پر ردعمل کا اظہار کرتے ہوئے سوال کیا کہ شعیب ملک کہاں ہیں؟ جس پر جواباً بھارتی صارف نے بتایا کہ پتی دیو پاکستان میں ہیں۔

نمرہ احمد نامی صارف نے لکھا کہ شعیب ملک پی ایس ایل میچز میں مصروف ہیں۔

تحریمہ نامی صارف نے افسردہ ایموجی شیئر کرتے ہوئے لکھا کہ شعیب ملک کیوں شریک نہیں ہوئے؟

واضح رہے کہ شعیب ملک پی ایس ایل 8 میں کراچی کنگز کی نمائندگی کررہے ہیں