جرمنی: چرچ میں فائرنگ سے 7افراد ہلاک، متعدد زخمی ہوگئے

پولیس حکام کے مطابق ہمارے پاس ملزم کے فرار ہونے کی کوئی اطلاع نہیں ہے، ہو سکتا ہے مرنے والوں میں بندوق بردار حملہ آور بھی شامل ہو تاہم علاقے میں سرچ آپریشن شروع کر دیا گیا ہے اورآس پاس کے رہائشیوں سے کہا گیا ہے کہ وہ اپنے گھروں سے نہ نکلیں۔

پولیس کا مزید کہنا تھا کہ حملے سے متعلق کوئی قابل اعتماد معلومات نہیں ہیں، انہوں نے عوام سے اپیل کی ہے کہ وہ اس حوالے سے کوئی افواہیں نہ پھیلائیں۔

فائرنگ کے واقعہ میں زخمی ہونے والے افراد کو طبی امداد کے لئے اسپتال منتقل کر دیا گیا ہے۔