بول چینل کے مالک کا 3 روزہ جسمانی ریمانڈ منظور

اسلام آباد کی عدالت نے بول چینل کے مالک شعیب شیخ کا 3 روزہ جسمانی ریمانڈ منظورکرلیا۔

ڈسٹرکٹ اینڈ سیشن کورٹ اسلام آباد کے جوڈیشل مجسٹریٹ عمر شبیر نے پراسیکیوٹر کی جانب سے شعیب شیخ کے 10 روزہ  جسمانی ریمانڈ کی استدعا مسترد کردی۔

عدالت نے فریقین کے دلائل مکمل ہونے پر فیصلہ محفوظ کیا تھا۔ نجی ٹی وی چینل کے مالک شعیب شیخ  کو گزشتہ روز ایف آئی اے نے کراچی سے اسلام آباد پہنچنے پرگرفتار کیا تھا۔

ذرائع کے مطابق شعیب شیخ پر جج کو مبینہ طور پررشوت دینے کا الزام ہے۔اس سے قبل ایف آئی اے نے متعدد بار شعیب شیخ کو پیش ہونے کا حکم دیا مگر انہوں نے نوٹسسز کی پیروی نہیں کی۔