نواز شریف کو قید کے دوران زہر دیا گیا،مریم نواز کا دعویٰ

لاہور(اُمت نیوز) مسلم لیگ (ن) کی رہنما مریم نواز نے کہا کہ نواز شریف کو قید کے دوران زہر دیا گیا تھا ۔
ایک انٹرویو میں مریم نواز کا کہنا ہےکہ دوران قید زہر دیے جانے سے نوازشریف کے پلیٹ لیٹس گرے تھے، جب ان کی حالت خراب ہوئی اور وہ زندگی و موت کی کشمکش میں آئے تو کچھ لوگوں کے ہاتھ پاؤں کانپنا شروع ہو گئے تھے۔
انہوں نے کہا کہ ان ہی لوگوں کی نوازشریف کو باہر بھیجنا مجبوری بن گئی تھی، کبھی نہ کبھی یہ بات سامنے آجائے گی کہ اس معاملے میں بھی عمران خان ملوث تھا۔
اس سے پہلے گوجرانوالہ میں خطاب کرتے ہوئے مریم نواز نے کہا تھا کہ سابق ڈی جی آئی ایس آئی فیض حمید کا بیان آچکا ہے، امید ہے اب ادارہ اس پر نوٹس لے گا۔