عمران خان مجھے میرا بیٹا لوٹا دو،ظل شاہ کی والدہ پھٹ پڑیں

لاہور(امت نیوز)تحریک انصاف کے جاں بحق کارکن علی بلال عرف ظل شاہ کی والدہ نے کہاہے کہ ان کا بیٹا تحریک انصاف کی وجہ سے جان سے گیا ۔ اب عمران خان مجھے میرا بیٹا لوٹا دے

نجی ٹی وی کے پروگرام میں ظل شاہ کی والدہ نے کہا کہ مجھے بس عمران خان سے یہی کہناہے کہ وہ مجھے میرا بیٹا واپس لادے اس کی بڑی مہربانی ۔ میرا بیٹا اس کی حفاظت کیلئے گیا تھا مگر انہوں نے میرے بیٹے کی کیا حفاظت کی ۔انہوں نے مجھ سے میرا جوان بیٹا چھین لیا ۔

ظل شاہ کی والدہ نے بتایا کہ  میں اپنے بیٹے سے کہتی رہتی تھی کہ بیٹا مت جاؤ ۔مگر وہ کہتا تھا امی مجھے مت روکیں ، وہ میرے ووٹ سے وزیراعظم بنے گا۔ اسے اتنا یقین تھا۔ میں اسے ڈانٹتی بھی تھی مگر وہ جنون کی حد تک پی ٹی آئی سے لگاؤ رکھتا تھا۔ کپڑے بدلنے گھر آتا والد سے پچاس روپے لیتا اور چلا جاتا تھا