بلدیہ ٹاؤن۔ جامع کلاتھ مارکیٹ اور کیماڑی سے 3 لاشیں برآمد

کراچی (اسٹاف رپورٹر)بلدیہ ٹاؤن، جامع کلاتھ مارکیٹ اور کیماڑی سے 3 لاشیں برآمد۔ تفصیلات کے مطابق سعیدآباد کے علاقے بلدیہ ٹاؤن یوسف گوٹھ نزد زین العابدین محلے کے ایک گھر میں پھندا لگی لاش کی اطلاع پر پولیس نے موقع پر پہنچ کر لاش کوسول اسپتال منتقل کیا،جہاں متوفی کی شناخت 40سالہ اصغر علی ولد محمد انور کے نام سے ہوئی، پولیس نے قانونی کارروائی کے بعد لاش اہلخانہ کے حوالے کردی، ایس ایچ او شاکر حسین کے مطابق ابتدائی طور پر واقعہ خودکشی معلوم ہوتاہے تاہم پولیس کو کچھ شبہ بھی لاحق ہے،واقعے کی چھان بین شروع کردی گئی ہے۔

آرام باغ کے علاقے جامع کلاتھ مارکیٹ کے قریب 25 سے 26سالہ نامعلوم نوجوان کی لاش ملی جس کو پولیس نے سول اسپتال بعد ازاں  ایدھی سردخانے منتقل کردیا، پولیس کے مطابق متوفی کی فوری شناخت نہیں ہوسکی ہے تاہم نشے کاعادی بتایا جاتاہے،علاوہ ازیں کیماڑی کے علاقے جیکسن کالونی میں قائم ملنگ ہوٹل کے قریب 75سالہ نامعلوم شخص کی لاش ملی، جسے پولیس نے سول اسپتال منتقل کیا اورقانونی کارروائی کے بعد لاش سردخانے منتقل کردی۔