توشہ خانہ تحائف پر ٹویٹ،ایف آئی اے نے فوادچوہدری کو طلب کرلیا

لاہور؛ مسلم لیگ ن کی سینئر نائب صدر و چیف آرگنائزرمریم نواز سے متعلق توشہ خانہ تحائف پر ٹویٹ کے معاملے پرایف آئی اے نے فواد چوہدری 17 مارچ کو طلبی کا نوٹس بھجوا دیا۔

نجی ٹی وی کے مطابق ایف آئی اے کا نوٹس فواد چوہدری کے تینوں گھروں کے پتے پر ارسال کیا گیاہے، نوٹس میں کہاگیاہے کہ عدم پیشی پر قانون کے مطابق کارروائی کی جائے گی ۔

فوادچوہدری کاکہناتھا کہ مریم نواز کی ٹویٹر پر دھمکی پرایف آئی اے نے میرے خلاف انکوائری کا آغاز کردیا،اس ملک میں شہری حقوق مکمل طور پر معطل ہو چکے ہیں،ان کاکہناتھا کہ مریم نواز کی ٹویٹر پر دھمکی کے گھنٹوں کے اندر ایف آئی اے نے میرے خلاف انکوائری کا آغاز کردیا۔

مریم نواز کی twitter پر دھمکی کے گھنٹوں کے اندر FIA نے میرے خلاف انکوائری کا آغاز کر دیا، اس ملک میں شہری حقوق مکمل طور پر معطل ہو چکے ہیں سپریم کورٹ کی ان ان معاملات پر خاموشی تباہ کن ہے، چیف جسٹس صاحب معاملات پر خاموشی آئین کو معطل کرنے کی منظوری ہو گی pic.twitter.com/4njOw0vaZq

— Ch Fawad Hussain (@fawadchaudhry) March 13, 2023