کراچی : گاڑی کی ٹکر-چھت سے گر کر 2 افراد جاں بحق

کراچی(اسٹاف رپورٹر)گاڑی کی ٹکر اور چھت سے گرکر نوجوان سمیت 2 افراد جاں بحق ہوگئے،جبکہ 2 افراد کی لاشیں ملیں۔تفصیلات کے مطابق اسٹیل ٹاؤن کے علاقے گلشن حدید فیز ٹو میں تیز رفتار گاڑی نے موٹرسائیکل سوار نوجوان کو کچل دیا۔جناح اسپتال میں متوفی کی شناخت 25 سالہ آصف ولد ریاض حسین کے نام سے ہوئی۔

شاہراہ فیصل نزد کارساز کے قریب ایک بلڈنگ کی چھت سے پراسرار طورپر گرکر ایک شخص جاں بحق ہوگیا۔جناح اسپتال میں متوفی کی شناخت 55 سالہ نعمان ولد امان اللہ کے نام سے ہوئی۔پاک کالونی کے علاقے جہان آباد لاشاری محلہ نزد نورانی مسجد کے قریب فٹ پاتھ سے 55 سالہ نامعلو شخص کی لاش ملی۔

ماڑی پور کے علاقے ماڑی پور روڈ ٹرک اڈا گیٹ نمبر5 کے قریب فٹ پاتھ سے65 سالہ شخص کی لاش ملی۔پولیس کے مطابق لاش کی شناخت محمد رفیق ولد اکبر خان کے نام سے ہوئی۔بظاہر موت طبعی معلوم ہوتی ہے۔پوسٹ مارٹم رپورٹ کے بعد ہی اصل وجہ موت سامنے آسکے گی۔