شکارپور میں زمینی تنازع پر دو سگے بھائی قتل، تیسرا زخمی

شکارپور(امت  نیوز) نواحی علاقے میاں صاحب میں فائرنگ کا واقعہ پیش آیا ہے جہاں نامعلوم مسلح افراد کی فائرنگ سے 2 سگے بھائی جاں بحق ہوگئے۔

پولیس کے مطابق فائرنگ کے نتیجے میں دو سگے بھائی جاں بحق اور تیسرا زخمی ہوگیا ہے، تنیوں بھائیوں پرعدالت میں شنوائی پر جاتے ہوئے راستے میں نامعلوم مسلح افراد کی جانب سے فائرنگ کی گئی۔

پولیس نے بتایا کہ واقعہ کلر برادری کے دو گروپوںزمین کے تنازعے پر پیش آیا، جبکہ لاشوں اور زخمی کو قریبی اسپتال منتقل کردیا ہے۔

پولیس کا کہنا ہے کہ زخمی شخص کو ابتدائی طبی دیکر تشویشناک حالت میں ریفر کیا گیا ہے جاں بحق سگے بھائیوں کی شناخت گل محمد کلر اور معشوق کلر کے نام سے ہوئی ہے۔