عمران خان نے گرفتاری دینے کا فیصلہ کر لیا؟

لاہور: باوثوق ذرائع کا کہنا ہے کہ پاکستان تحریک انصاف کے چیئرمین عمران خان نے گرفتاری دینے کا فیصلہ کر لیا ہے؟ دوسری جانب پولیس کی بھاری نفری زمان پارک کے اندر داخل ہو چکی ہے۔

عمران خان کی رہائش گاہ کے اندر سے کارکن زبردست مزاحمت کر رہے ہیں جبکہ پولیس شدید شیلنگ کر رہی ہے، صورتحال انتہائی کشیدہ ہے،متعدد پولیس زخمی ہیں، رینجرز کو بھی طلب کر لیا گیا ہے۔

پولیس مجھے پکڑنے آ گئی ہے،عمران خان

چیئرمین پاکستان تحریک انصاف عمران خان نے کہا ہے کہ مجھے قتل یا جیل میں ڈال دیا گیا تو عوام نے جدوجہد جاری رکھنی ہے۔

عمران خان نے اہم پیغام دیتے ہوئے کہا کہ پولیس مجھے پکڑنے اور جیل بھیجنے کے لیے آ گئی ہے، ان کا خیال ہے عمران خان جیل چلا جائے گا تو قوم سو جائے گی، آپ نے ان کو غلط ثابت کرنا ہے ، آپ نے ثابت کرنا ہے کہ آپ زندہ قوم اور نبیؐ کی امت ہیں، لاالاالله کے نعرے پر بننی والی قوم ہے۔

عمران خان نے کہا کہ آپ نے اپنے حقوق اور حقیقی آزادی کے لیے جدوجہد کرنی ہے اور باہر نکلنا ہے، میں آپ کی جنگ لڑ رہا ہوں ، مجھے کچھ ہوا یا جیل بھیجا گیا یا ماردیتے ہیں تو آپ نے ثابت کرنا ہے کہ عمران خان کے بغیر بھی یہ قوم جدوجہد کرے گی۔

My message to the nation to stand resolute and fight for Haqeeqi Azadi & rule of law. pic.twitter.com/bgVuOjsmHG

— Imran Khan (@ImranKhanPTI) March 14, 2023

انہوں نے مزید کہا کہ اپنی ساری زندگی جنگ لڑی اور لڑتا رہوں گا، قوم چوروں کی بدترین غلامی اور ایک آدمی جو ملک کے فیصلے کررہا ہے، اسے کبھی قبول نہ کریں، پاکستان زندہ باد۔