کراچی اور اندرون سندھ میں جمعرات کوبارش کا امکان

کراچی(امت نیوز)محکمہ موسمیات نے جمعرات کو کراچی کےمضافاتی علاقوں اور اندرون سندھ گرج چمک کے ساتھ ہلکی اور درمیانی بارش کی پیش گوئی کی ہے

محکمہ موسمیات کے مطابق جمعرات 16 مارچ کو کراچی کے شمال اور شمال مشرقی (مضافاتی) علاقوں میں گرج چمک کے ساتھ ہلکی بارش ہوسکتی ہے، جبکہ  جمعہ کو بھی شہر میں جزوی ابرآلود موسم کےساتھ گرج چمک کے ساتھ ہلکی بارش کی توقع ہے۔

محکمہ موسمیات کا کہنا ہے کہ سندھ  کے اکثر اضلاع میں 17 سے 20 مارچ کے دوران گرج چمک کے ساتھ درمیانی شدت کی بارش ہوسکتی ہے، اس دوران بیشتر مقامات پر گرد آلود ہوائیں چلنے کا بھی امکان ہے۔

مغربی ہواؤں کے ملک میں داخل ہونے والے نئے سلسلے کے زیراثر جامشورو، حیدرآباد، مٹیاری، ٹھٹھہ، ٹنڈو الہیار، ٹنڈو محمد خان، میر پور خاص، سانگھڑ، عمرکوٹ، نوشہرو فیروز، جیکب آباد، قمبرشہداد کوٹ، شکار پور، گھوٹکی، سکھر، بدین میں کہیں کہیں بارش کا امکان ہے۔