عمران خان گرفتاری دیدیں،پی ٹی آئی کی سینئر قیادت کا مشورہ

اسلام آباد: صدر مملکت عارف علوی، شاہ محمود قریشی اور پرویز خٹک سمیت رہنمائوں نے چیئرمین تحریک انصاف عمران خان کو گرفتاری دینے کا مشورہ دیدیا۔

پارٹی رہنما اعجاز شاہ اور اسد عمر سمیت سینئر لیڈر شپ بھی گرفتاری دینے کے حق میں ہے تاہم فواد چوہدری ، مراد سعید اور دیگر رہنما عمران خان کو گرفتاری دینے سے روک رہے ہیں۔

پی ٹی آئی کی سینئر قیادت کا موقف ہے کہ زمان پارک کے گرد محاذ آرائی سے پی ٹی آئی کا امیج متاثر ہوا ہے تاہم عمران خان نے دوٹوک موقف اپنایا ہے کہ حکومتی اقدامات کا مقابلہ کریں گے۔