کراچی ایئر پورٹ،مسافر سے 4 کروڑ روپے مالیت کی ہیروئن برآمد

کراچی(اُمت نیوز) کراچی ایئر پورٹ پر مسافر کے سامان سے چار کروڑ روپے مالیت کی ہیروئن برآمد کرلی گئی ہے۔
تفصیلات کے مطابق مسافر کراچی سے جدہ جا رہا تھا ۔اینٹی نارکوٹکس فورس عملے نےکراچی کے جناح انٹرنیشنل ایئرپورٹ پر کارروائی کرتے ہوئے چار کروڑ سے زائد مالیت کی ہیروئن برآمد کر لی ہے۔
حکام کا کہنا ہے کہ مسافر اختر جہاں سیرین ایئر لائن کی پرواز ای آر، 812 سے جدہ جا رہا تھا، مسافر نے اپنے ٹرالی بیگ میں ہیروئن مہارت سے چھپا رکھی تھی۔
ایئرپورٹ ذرائع کا کہنا ہے کہ مسافر کے سامان کی تلاشی کے دوران پونے 3 کلو گرام اعلیٰ کوالٹی کی ہیروئن برآمد ہوئی۔
مسافر اختر جہاں کا تعلق کے پی کے ضلع مردان سے ہے، مسافر کو منشیات سمیت حراست میں لے کر تفتیش کا آغاز کر دیا گیا ہے۔