کراچی کے مختلف علاقوں میں ہلکی بارش ، موسم خوشگوار

کراچی(اسٹاف رپورٹر) شہر قائد کے مختلف علاقوں میں بارش سے موسم خوشگوار ہوگیا۔

مغرب کے بعد بادلوں کی اچانک آمد سے بارش کا سلسلہ شروع ہوا۔ محکمہ موسمیات کا کہنا ہے کہ کراچی کے شمالی علاقوں سے بارش کا سسٹم گزر رہا ہے۔

کراچی کے متعدد علاقوں میں بارش کا سلسلہ جاری ہے جس میں گلستان جوہر، گلشن اقبال، سہراب گوٹھ، واٹر پمپ، گلبرگ، عائشہ منزل، عزیزآباد اور نارتھ ناظم آباد شامل ہیں۔

اس کے علاوہ یونیورسٹی روڈ، نیپا چورنگی ، راشد منہاس روڈ، بحریہ ٹاون ، سپرہائی وے، اسکیم 33 کی مختلف سوسائٹیز ، گلزار ہجری، فیڈرل بی ایریا، سرجانی ٹاون ، بفرزون ، نارتھ کراچی، گلستان جوہر میں بارش ہورہی ہے۔