کراچی، پولیس مقابلے میں دو ملزمان زخمی حالت میں گرفتار

کراچی (اُمت نیوز)کراچی میں پولیس مقابلے کے بعد دو ملزمان کو زخمی حالت میں گرفتارکرلیا گیا ہے۔
تفصیلا ت کے مطابق یہ واقعہ کراچی میں سائٹ سپر ہائی وے کے قریب پیش آیا ہے۔ گرفتار ملزمان قتل، اقدام قتل، دہشت گردی اور پولیس مقابلوں میں ملوث ہیں
ایس ایس پی اے وی سی سی کا کہنا ہے کہ اسٹریٹ کرمنلز کی موجودگی کی اطلاع پر کارروائی کی گئی، دو موٹرسائیکلوں پر سوار 4 ملزمان نے پولیس کو دیکھتے ہی فائرنگ کردی۔
ایس ایس پی عبدالرحیم کا کہنا ہے کہ پولیس کی جوابی فائرنگ سے 2 ملزمان احمد فراز اور ندیم زخمی ہوئے، جنھیں گرفتار کرلیا گیا ہے۔
ایس ایس پی نے بتایا کہ دو ملزمان موقع سے فرار ہوگئے جن کی شناخت کرلی گئی ہے، گرفتار ملزم ندیم کا سابقہ ​​مجرمانہ ریکارڈ بھی موجود ہے۔
پولیس کا کہنا ہے کہ گرفتار ملزمان قتل، اقدام قتل، دہشت گردی اور پولیس مقابلوں میں ملوث ہیں، ملزمان سے گلبرگ سے چوری موٹرسائیکل، دو پستول بھی برآمد کئے گئے ہیں۔
ایس ایس پی نے کہا کہ ملزمان نے لیاری، منگھو پیر اور سرجانی سے کئی موٹرسائیکلیں چھیننے کا اعتراف کیا ہے۔