کراچی:سی ویو سے خام تیل چور گروہ کا سرغنہ گرفتار

کراچی(اسٹاف رپورٹر)پولیس نے خام تیل چور گروہ کے سرغنہ کو گرفتار کرلیا اطلاعات کے مطابق ساؤتھ پولیس نے پارکو آئل کمپنی کی سی ویو کے قریب نصب پائپ لائن سے خام تیل کی چوری میں ملوث گروہ کا سرغنہ کامران کو گرفتار کرلیا ۔

دو روز قبل ایک نجی آئل کمپنی پارکوکی جانب سے بذریعہ پریس ریلیز سی ویو کے قریب لائن سے تیل چوری کی نشاندہی کی گئی تھی جس پر پولیس نے 24 گھنٹے کے میں تیل چوری میں ملوث گروہ کا پتہ لگا کر گروہ کے سرغنہ کو گرفتار کرلیا، گرفتار ملزم کامران سکندرآباد کیماڑی کا رہائشی ہے جبکہ ملزم کے قبضے سے 80 لیٹر کے قریب چوری شدہ خام تیل بھی برآمد کر لیا گیا ہے ۔