الیکشن کمیشن کا کراچی کی 6یونین کونسلز پر دوبارہ گنتی کا حکم

اسلام آباد(امت نیوز) الیکشن کمیشن آف پاکستان نے کراچی کی 6 یونین کونسلز میں دوبارہ گنتی کا حکم دے دیا۔

الیکشن کمیشن کے مطابق دوبارہ گنتی مومن آباد کی یوسی 3، منگھوپیر یوسی 12، ضلع شرقی کے علاقے گلشن کی یوسی 1، اورنگی کی یوسی 3، 7 اور 8 میں ہوگی

جماعت اسلامی نے الیکشن کمیشن میں 6 یونین کونسلز کے نتائج چیلنج کیے تھے جس پر الیکشن کمیشن نے جماعت اسلامی کی درخواستوں پر محفوظ شدہ فیصلہ سنا دیا۔

کراچی میں ہونے والے بلدیاتی انتخابات کے اب تک کے غیر حتمی اور غیر سرکاری نتائج کے مطابق پیپلز پارٹی 83 نشستوں کے ساتھ سر فہرست ہے جبکہ جماعت اسلامی 82 نشستوں کے ساتھ دوسرے اور پاکستان تحریک انصاف 40 نشستوں کے ساتھ تیسری پوزیشن پر براجمان ہے