وزیراعظم کی پاکستان سمیت پوری امت مسلہ کو رمضان کی مبارکباد

اسلام آباد(امت نیوز) وزیراعظم شہبازشریف نے پاکستان سمیت پوری امت مسلمہ کو رمضان کی مبارکباد پیش کی ہے۔

ایک بیان میں وزیراعظم نے کہا کہ الحمدللہ کہ ماہ صیام کی سعادتیں اور برکتیں ایک بار پھر ہمیں ملی ہیں۔

انہوں نے قوم سے ملک کے لئے دعا کی اپیل کرتے ہوئے کہا کہ ماہ صیام میں امت مسلمہ اور پاکستان کی بہتری کے لئے خصوصی دعائیں کریں، رمضان اللہ کریم کی رحمتوں اور برکتوں کا خصوصی مہینہ ہے۔

رمضان المبارک کے آغاز پر پوری قوم اور عالم اسلام کو مبارکباد پیش کرتا ہوں۔ یہ مہینہ ہمیں خود احتسابی، پابند زندگی گزارنے اور قربانی کا درس دیتا ہے۔ اللہ تعالی ہمیں رمضان المبارک کے فیوض وبرکات سے مستفید ہونے کی توفیق عطا کرے۔ آپ سب کو ماہ صیام مبارک

— Shehbaz Sharif (@CMShehbaz) March 22, 2023

شہباز شریف کا اپنی ٹویٹ میں کہنا تھا کہ یہ مہینہ ہمیں خود احتسابی، پابند زندگی گزارنے اور قربانی کا درس دیتا ہے، اللہ تعالی ہمیں رمضان المبارک کے فیوض وبرکات سے مستفید ہونے کی توفیق عطا کرے۔

واضح رہے کہ مرکزی رویت ہلال کمیٹی نے اعلان کیا کہ ملک بھر میں رمضان المبارک 1444 ہجری کا پہلا روزہ 23 مارچ بروز جعمرات کو ہوگا۔