پاک افغان ٹی ٹوئنٹی سیریز کی ٹرافی کی رونمائی کردی گئی

دبئی(اسپورٹس ڈیسک)پاکستان اور افغانستان کے درمیان کھیلی جانے والی تین ٹی ٹوئنٹی سیریز کی ٹرافی کی رونمائی کردی گئی

افغان کرکٹ بورڈ کی جانب سے جاری بیان کے مطابق ٹرافی کی خاص بات یہ ہے کہ اس میں افغان روایت و ثقافت کی جھلک پیش کی گئی ہے۔

افغان کرکٹ بورڈ نے بتایا کہ یہ ٹرافی افغان فنِ ثقافت اور دستکاری کی بہترین مثال ہے، ٹرافی ہاتھ سے بنائے گئے قالین سے تیار کی گئی ہے جو ہمارے شاندار قومی ورثے اور روایات کی عکاسی کرتی ہے۔

 

An ultimate symbol of art & culture 🤩

Introducing trophy for the #AFGvPAK T20I series, an exquisite masterpiece of Afghan artistry and craftsmanship. The trophy is made from a handcrafted Afghan carpet, representing the rich heritage & traditions of our nation#AfghanAtalan pic.twitter.com/UpDh1NE2FM

— Afghanistan Cricket Board (@ACBofficials) March 23, 2023

 

سوشل میڈیا صارفین نے بھی افغان کرکٹ بورڈ کے اس جذبے کو سراہا ہے اور اسے پاک افغان دوستی سے تشبیہہ دی ہے

پاکستان اور افغانستان کےدرمیان 3 ٹی ٹوئنٹی میچز کی سیریز کا پہلا میچ جمعے کو  شارجہ میں کھیلا جائے گا۔

افغانستان سے سیریز کیلئے پاکستان کرکٹ ٹیم بدھ کی رات دبئی پہنچی جہاں ٹیم کا شاندار استقبال کیا گیا۔

دونوں ٹیموں کے درمیان تین ٹی ٹوئنٹی میچز کی سیریز کا پہلا میچ جمعے شارجہ میں کھیلا جائے گا۔دوسرا اور تیسرا ٹی ٹوئنٹی 26 اور 27 مارچ کو ہوگا۔ میچز رات 9 بجے شروع ہوں گے۔