نارتھ ناظم آباد تھانے کی چھت سے 3 افراد بازیاب

کراچی (اُمت نیوز)کراچی میں نارتھ ناظم آباد پولیس اسٹیشن پر چھاپہ مار کر اینٹی وائلنٹ کرائم سیل نے تھانے کی چھت پر 3 افراد کو بازیاب کروالیا ہے۔
تفصیلات کے مطابق مغویوں کو نارتھ ناظم آباد کے ہوٹل پر نایاب بچھو فروخت کرنے کیلئے بلایا گیا تھا۔ پولیس اہل کار نے 50 لاکھ روپے تاوان طلب کیا تھا۔
ایس ایس پی کے مطابق اہل خانہ سے پولیس اہلکار کی 5 لاکھ روپے میں بات طے ہوئی تھی، مغویوں کے اہل خانہ نے 4 لاکھ کی رقم کی ادائیگی بھی کی۔
ایس ایس پی کا کہنا ہے کہ واقعے میں ملوث 5 افراد کو گرفتار کرلیا گیاہے،گرفتاری کے دوران تاوان کی رقم 4 لاکھ روپے بھی برآمد کرلی گئی ہے۔
گرفتار ملزمان میں 2 برطرف اہلکار محبوب اور آصف شامل ہیں۔
ایس ایچ او نارتھ ناظم آباد کو معطل کرکے عہدے میں تنزلی کر دی گئی ہے، واقعے کا مقدمہ تھانہ نارتھ ناظم آباد میں درج کیا جائے گا۔