کراچی میں 60سالہ چوکیدار موٹرسائیکل چھیننے میں مزاحمت پر قتل

کراچی(اسٹاف رپورٹر)کراچی کے علاقے طارق روڈ لبرٹی چوک پر ڈاکوؤں نے 60 سالہ بزرگ شہری کو موٹرسائیکل چھیننےکی کوشش کے دوران گولی مار کر قتل کردیا

مقتول رحمان بابا اورنگی ٹاؤن قصبہ کالونی کا رہائشی تھا اور پی ای سی ایچ ایس بلاک ڈو میں جیولر کی دکان پر چوکیداری کرتا تھا۔

صبح ملازمت پر آیا اور موٹرسائیکل کھڑی کررہا تھا کہ دو موٹرسائیکل سوار ڈاکو پہنچے اور رحمان بابا سے موٹرسائیکل چھیننے کی کوشش کی مزاحمت پر گولی مار کر قتل کردیا

لاش کو ضابطے کی کارروائی کے لئے جناح اسپتال منتقل کردیا گیا

دریں اثنا بہادر آباد کے علاقے آدم جی نگر بلاک 2 میں موٹر سائیکل سوار مسلح ملزمان نے 50 سالہ میر حبیب سے نقدی چھین لی مزاحمت پر ٹانگ پر گولی مارکر زخمی کردیا بعدازاں ملزمان بآسانی فرار ہوگئے۔

اسی طرح نارتھ ناظم آباد کے علاقے ضیا الدین اسپتال کے قریب 20 سالہ محمد نعیم کو ملزمان نے گولی مارکر زخمی کردیا۔ پولیس کے مطابق ملزمان زخمی سے موبائل فون، نقدی اور موٹر سائیکل چھین رہے تھے جس میں ناکامی پر گولی مار دی۔