ملتان میں ڈکیتی مزاحمت پر نوجوان قتل،ہجوم کے تشدد سے 3ڈاکو ہلاک

ملتان(امت نیوز)ملتان میں ڈاکوؤں نے جیولری شاپ میں ڈکیتی مزاحمت پر فائرنگ کرکے ایک شخص کو قتل اور 3 کو زخمی کردیا۔ مشتعل ہجوم نے تین ڈاکوؤں کو پکڑ کر تشدد کا نشانہ بنایا جس سے تینوں ڈاکو ہلاک ہوگئے
ملتان میں چار ڈاکوؤں نے گلگشت میں واقع جیولری شاپ پر ڈکیتی کی کوشش کی ۔ مزاحمت پر فائرنگ سے 16 سالہ عالیان کو قتل کردیا
مشتعل شہریوں نے ڈاکوؤں کو پکڑنے کی کوشش کی تو ڈاکوؤں نے اندھا دھند فائرنگ شروع کر دی۔فائرنگ کے نتیجے میں عرفان، شعیب اور ادریس نامی اشخاص زخمی ہوگئے۔
اس دوران ڈاکوؤں کو اپنے ساتھیوں کے فائر بھی لگے۔
ہجوم نے ڈاکوؤں کو ڈنڈوں اور سوٹوں کے وار کرکے شدید زخمی کردیا۔
پولیس نے موقع پر پہنچ کر ڈاکوؤں کو ہسپتال منتقل کیا، جہاں تین ڈاکو جانبر نہ ہوسکے۔
ڈاکوؤں کی شناخت لیاقت حسین، بلال اور احسان کے نام سے ہوئی ہے، جو کبیر والا اور شجاع آباد کے رہائشی ہیں۔
چوتھے زخمی ڈاکو کا نام عباس بتایا جا رہا ہےجو پولیس کی حراست میں ہے۔