شمالی وزیرستان و سبی میں آپریشن، ایک دہشت گرد ہلاک

راولپنڈی: شمالی وزیرستان میں سیکیورٹی فورسز اور دہشت گردوں کے درمیان فائرنگ کے تبادلے میں ایک سپاہی شہید ہوگیا،سبی میں ایک دہشت گرد مارا گیا۔

پاک فوج کے شعبہ تعلقات عامہ ( آئی ایس پی آر) کے مطابق شمالی وزیرستان کے علاقے میر علی میں سیکیورٹی فورسز اور دہشت گردوں کے درمیان فائرنگ کا تبادلہ ہوا، جس کے دوران سیکیورٹی اہلکاروں نے دہشت گردوں کے ٹھکانے کو مؤثر طریقے سے نشانہ بنایا۔

شدید فائرنگ کے تبادلے کے دوران کرک سے تعلق رکھنے والے پاک فوج کے 29 سالہ سپاہی ارشاد اللہ بہادری سے لڑتے ہوئے شہید ہوگئے۔

آئی ایس پی آر کے مطابق علاقے ممکنہ دہشت گردوں کو ختم کرنے کے لیے سرچ آپریشن بھی کیا گیا۔

دوسری جانب بلوچستان کے ضلع سبی کےعلاقے نوشمان میں سیکیورٹی فورسز نے دہشتگردوں کی موجودگی اطلاع پر آپریشن کیا، جس میں دہشت گردوں کی جانب سے فورسز پر فائرنگ کی گئی۔

آئی ایس پی آر کے مطابق سیکیورٹی فورسزنے دہشت گردوں کیخلاف آپریشن کیا، علاقے میں کوئلے کی کان کے مالکان کو ہراساں کرنےکی معلومات ملی تھیں۔

آئی ایس پی آر نے بتایا کہ آپریشن کے دوران دہشت گردوں کو روکا تو فائرنگ کا تبادلہ ہوا، اور اس تبادلے میں ایک دہشتگرد مارا گیا،جب کہ 2 زخمی ہوئے۔