مردان میں سی ٹی ڈی کا چھاپہ،ایک دہشتگردہلاک،اہلکارشہید

مردان (امت نیوز) کاؤنٹر ٹیررازم ڈیپارٹمنٹ ( سی ٹی ڈی ) پولیس کی دہشت گردوں کے خلاف کارروائی میں ایک دہشت گرد ہلاک اورایک اہلکار شہید ہو گیا۔
سی ٹی ڈی پولیس نے مردان کے علاقہ جہانگیر آباد میں چھاپہ مارا، اس موقع پر مبینہ دہشت گرد اور سی ٹی ڈی اہلکاروں کے مابین فائرنگ کا تبادلہ ہوا۔
کاؤنٹر ٹیررازم ڈیپارٹمنٹ کے مطابق فائرنگ سے سی ٹی ڈی پولیس اہلکار شہید ہو گیا جبکہ پولیس کی جوابی فائرنگ سے مبینہ دہشت گرد بھی مارا گیا۔