عراق میں ریت کا طوفان،500سے زائد افراد متاثر

بغداد(نیٹ نیوز)عراق میں ریت کے طوفان نے سب کچھ بدل کے رکھ دیا۔ دن اچانک ہی رات میں ڈھلتا محسوس ہونے لگا۔بغداد میں ریت کے بڑے طوفان سے فضا نارنجی ہوگئی۔ ہر شے ریت سے اٹ گئی۔ دھول کی تہوں نے کاروں اور گھروں کو ڈھانپ لیا۔

حد نگاہ انتہائی کم ہوگئی۔ سانس لینے میں دشواری کاسامنا کرنا پڑا۔ متعدد افراد ہسپتال پہنچ گئے۔وزارت صحت کی طرف سے جاری کردہ بیان کے مطابق 500 سے زائد افراد کو ہسپتال لایا گیا جہاں انہیں طبی امداد دی گئی ہے۔ ان تمام افراد کو سانس لینے میں مشکلات پیش آ رہی تھیں۔