سعودی عرب نے پاکستان کی طرف مدد کا ہاتھ بڑھادیا

اسلام آباد(امت نیوز)سعودی عرب نے پاکستان کے مشکل معاشی حالات میں مدد کا ہاتھ بڑھادیا ۔۔
پاکستان میں سعودی عرب کے سفیر نواف بن سعید المالکی نے کہا ہے کہ ہر مشکل وقت کی طرح اس مرتبہ بھی سعودی عرب پاکستان کی مدد کرے گا۔
اسلام آباد میں سعودی خبررساں ادارے سے گفتگو میں سعودی سفیر کا کہناتھاکہ پاکستان اور سعودی عرب کے مابین گہرے مراسم ہیں، ہم ان تعلقات کو اور بلند کریں گے، سعودی عرب اور پاکستان بھائیوں کی طرح ہیں۔
انہوں نے کہا کہ سعودی عرب پاکستان کے استحکام اور خوشحالی کے لیے پر امید ہے۔
سعودی سفیر کا کہنا تھاکہ ہرمشکل وقت کی طرح اس مرتبہ بھی سعودی عرب پاکستان کی مدد کرے گا اور اچھی خبر سننے کو ملے گی۔