پیپلزپارٹی کا پنجاب میں تمام نشستوں پرامیدوارکھڑے کرنے کا اعلان

لاہور(امت نیوز)پیپلزپارٹی نے پنجاب میں تمام نشستوں پرامیدوارکھڑے کرنے کا اعلان کیا ہے۔

پیپلز پارٹی کی رہنما فریال تالپورکی زیرصدارت پیپلز پارٹی پنجاب کا اجلاس ہوا، جس میں راجہ پرویزاشرف،نئیر بخاری،قمر کائرہ،حسن مرتضی،رانا فاروق،ندیم چن،اسلم گل،فیصل میراورجوادرانا نے شرکت کی۔

اجلاس میں لاہورسٹی ڈویژن اورساہیوال ڈویژن میں پارٹی امیدواروں کا جائزہ لیا گیا، جس کے بعد پنجاب میں تمام نشستوں پرامیدوار کھڑے کرنے کا اعلان کیا گیا۔

اجلاس سے خطاب کرتے ہوئے فریال تالپورنے کہاپیپلزپارٹی ہرحلقے میں امیدوار دے گی،پیپلزپارٹی کسی الائنس کا حصہ نہیں ، اوراپنے نشان پرالیکشن لڑے گی،الیکشن جب بھی ہوں ہم نے پارٹی کو تیاررکھنا ہے۔

لاہوراورساہیوال سے پارٹی امیدواروں کی فہرست پیپلز پارٹی کی اعلی قیادت کوبھیج دی گئی ہے، جس کے بعد لاہورکے بعض حلقوں میں ٹکٹ کے حصول کے لئے پیپلز پارٹی کے سینئر رہنماؤں میں کشمکش شروع ہوگئی ہے۔

اس کےعلاوہ جنوبی پنجاب میں الیکشن تیاریوں کے جائزے کے لئے کل اجلاس ہوگا